Na piova de ricordi
So drio pensar al me paese
a e vècie che fa marcà
fora in strada de sera.
Vedo i campi de fen
e panocie
i pomi che cresse
el profumo de vin.
So drio viver de campagna.
Vardo e foto de na volta
de quando me mama
me meteva e scarpe
par portarme in bicicleta.
No me so desmentegà
i omeni col capèo
che fumava e sigarette
sentai so na mureta,
le vosi le sento
go tegnuo tuto in mente,
na piova de ricordi
par sempre.
Nessun commento:
Posta un commento